कोल्हापूर : येथील विवेकानंद कॉलेज मध्ये अर्थशास्त्र विभागाच्या वतीने शिवाजी विद्यापीठ व अग्रणी महाविद्यालय क्लस्टर योजने अंतर्गत ‘भारतातील कररचना व जीएसटी’ या विषयावरील एकदिवसीय कार्यशाळा झाली.
या कार्यशाळेचे उद्घाटन डॉ. पी. एस. कांबळे, अर्थशास्त्र विभाग प्रमुख, शिवाजी विद्यापीठ, कोल्हापूर यांच्या हस्ते झाले. या वेळी त्यांनी भारतातील कररचनेचा उगम, विकास व कार रचनेसंदर्भातील राज्य व केंद्र सरकारचे वित्तीय धोरण व जीएसटी. याबाबत विद्यार्थ्यांना मार्गदर्शन केले. कार्यक्रमाच्या अध्यक्षस्थानी विवेकानंद कॉलेजचे प्राचार्य डॉ. एस. वाय. होनगेकर हे होते.
अध्यक्षीय भाषणात प्राचार्य डॉ. होनगेकर म्हणाले, ‘जीएसटी ही नवीन करप्रणाली सर्वांना समजली पाहिजे, भारतीय अर्थव्यवस्थेत, व्यापार क्षेत्रात जीएसटीचे फायदे तोटेही सर्व विद्यार्थ्यांना कळाले पाहिजेत. यासाठीच या कार्यशाळेचे आयोजन करण्यात आले आहे.’
कार्यक्रमाचे प्रास्ताविक कार्यशाळा समन्वयक प्रा. वाय. डी. हस्ताळे यांनी केले. तर पाहुण्यांची ओळख प्रा. डॉ. एस. जी. गावडे यांनी केले. आभार प्रा. संदीप पाटील यांनी मानले. या वेळी शिवाजी विद्यापीठ व अग्रणी महाविद्यालय क्लस्टर योजने अंतर्गत महाविद्यालयातील विद्यार्थी व प्राध्यापक बहुसंख्येने उपस्थित होते. या वेळी डॉ. एम. व्ही. चरणकर, प्रा. एस. एम. जोशी, डॉ. एम. एस. घोरपडे, प्रा. समिक्षा फराकटे, प्रा. एस. एम. रुईकर, प्रा. बी. के. गोसावी व प्रशासकीय स्टाफ, विद्यार्थी उपस्थित होते.
